firehorse

67

3,064

مواصفات البنت السورية

Face book


1- اذا بعتلها مسج ع الفيس بوك عم بتقلها "مرحبا" بتعتبر حالها جميلة الجميلات, و ما حدا بيتقارن فيها و بتعتبرك انت الإنسان التافه اللي خضعت تحت قدميها, ويلي دايب بجمالها و بس بدك منها تقلك اهلين.

2- أما اذا كانت المسج "مرحبا, كيفك" فأكيد ما رح ترد عليك.. لأنك زودتها يعني.

3- و إذا كانت المسج طويلة شوي.. بترد عليك بكلمة "ok, fine" طبعا بالانكليزي بتكتبها, و اذا حبت انها تتواضع شوي, بتكتبها عربي حروف انكليزية, و انت طبعا ما بتفهم شي من هالفاين.


Messenger

1- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو

( مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقي الحكي.

2- اذا يوما من الأيام صادفت و بنت سورية ضافتك.. ( مع انو هي اتسجلت المستحيلة الثامنة بالعالم ) كمان فورا بتسألك, مين معي, أنا ايميلك عندي من زمان بس ما بعرف مين انت.. و يا ويلك اذا ما بتجاوبها..

3- طبعا بتكون حاطة صورة الشطرنج تبع المسنجر, أو الوردة.. أو صورة من صور المانغا اليابانية, و انت أكيد لازم تحط صورتك و إلا ما بتحكي معك, ووقت بتسألها عن اسمها بتقلك اللقب تبعها, و بتسألها ع كنيتها بتقلك "لسا بكير" كأنك رايح تخطبها بكرا, و اياك ثم اياك تسألها تحط صورتها.. فورا بتلاقيها طلعت اوفلاين, لأنك صرت من قائمة البلوك تبعها.

4- دائما حاطة حالتها "مشغول" على اعتبار انها مشغولة كتير, و بترد عليك جملة بتتكون من تلت كلمات, بعد ما بتكون انت كاتب موضوع تعبير من عشر أسطر, و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليها كتير.

In street

1- بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو من تحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم.

2- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض وبيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. سانسيلك.

3- تحذير: اياك ثم اياك انك تخبط فيها بالغلط, بتكون جنيت على نفسك, بتنظر فيك نظرة استحقار من راسك لخلخالك, و بتزدريك لأنك شخص منحط... و طبعا بتكون هيي الغلطانة لأنو بتكون ماشية بتوقف على فجأة قدام محلات الماركات, على أساس انو هيي شرية ماركات و لفتت نظرها قطعة ما بتتفوت


In stores


1- اذا فاتت البنت ع محل تجاري بدها تشتري غرض, بتنكّت صاحب المحل محلو قطعة قطعة, و هيي بتكون حالفة يمين ما يعجبها شي, و بتعرفو الحلفان غالي.. طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتور من كوالالامبور....

2- اذا لا سمح الله عجبتها شي قطعة, بتبينلك انها مو طايقتها, لأنو هي طريقتها الوحيدة لحتى تراعيها, و بتضل بتفاصلك بتفاصلك لحتى ينشف دمك و دم الحاضرين أجلكن.

3- اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها

التعليقات (9)

فلسطيني وافتخر     
كم زمان جبولنا هيك مواضيع عشان نضحك عالبنات شوي

ما شاء الله الانسة ياسمين شانة حرب على الشباب

مشكور كتير حلو الموضوع بس وين هالغيبة
Xman2_15     
مـــــــــــشكور
دمعة الامل     

والله معك حق الاغلبية صايرة هيك بس لا تعمم !!


الله يستثنينا من هالقوائم والحرب !!!


بس كون عادل واكتب شوي عن الشباب السوري!!!laugh1


مشكور


تحياتي

الدمشقي     
الاجدر لو كان العنوان
بعض الفتيات السوريات
اما ان تعمم
فهذا خطا شنيع

وكان كل الفتيات السوريات متفلتات
jalal_4e     
مششششششششششششششكككككككككككككككككووووررررررررررر
قتادة     

مشكووووور

أبـو الليث     

بس على فكرة مو كل البنات
بس البنات المطقطقات
المسترجلات يعني

endless love     

الله يحرق عدوينك فكرت حالي بحرب والمناوشات مبلشه كر وفر مع البناتlaugh1laugh1laugh1


مشكور على الموضوع والبسمه اللطيفه

roody72     
laugh1laugh1laugh1laugh1laugh1laugh1laugh1laugh1

ياسيدي عم تحكي ذهب